Skripkanın 2 milyon avroya satılacağı gözlənilir

Skripka ustası Quarneri del Gesu tərəfindən hazırlanan nadir skripka Parisdə hərraca çıxarılacaq və onun təxminən 2 milyon avroya satılacağı gözlənilir.

1727-1730-cu illər arasında italyan sənətkar del Gesu tərəfindən hazırlanan və istehsalçısı Antonio Stradivari olan “Stradivarius” skripkalarının rəqibi hesab edilən skripka “Artkurial” hərrac evində satışa təqdim olunacaq.

Hərrac evinin vitse-prezidenti Stefan Aubert bildirib ki, Guarneri del Gesu skripkaları məşhur “Stradivarius” alətlərindən daha nadirdir.

“Biz əhəmiyyətli sənət əsərlərini satmağa öyrəşmişik və bu skripka əsl sənət əsəridir. Hərracda satılan sonuncu Guarneri del Gesu skripkalarından biri 2022-ci ildə 4,68 milyon dollara alınıb”, – deyə Aubert bildirib.

Bu hərracı “Skripkaçının arzusu” adlandıran Stefan Aubert deyir ki, belə bir skripkada ifa etmək hər bir virtuozun arzusudur. Ona görə də o, skripkaçılar və ya böyük sponsorlar üçün bu aləti əldə etməyin müstəsna hadisə olacağını düşünür.