“Üçbaşlı müharibə partiyası”nın baş nazirliyə bir namizədi var, o da...” | Rubinyandan açıqlama

“Üçbaşlı müharibə partiyası”nın yalnız bir baş nazirliyə namizədi var, o da Robert Köçəryandır”.

Bunu Ermənistan parlamentinin sədr müavini Ruben Rubinyan üç müxalif partiyanın qarşıdakı seçkilər üzrə baş nazirliyə namizədləri barədə danışarkən deyib.

“Çünki Rusiya əsilli oliqarx – Samvel Karapetyan baş nazir namizədi ola bilməz, o həm Kipr, həm də Rusiya vətəndaşıdır. Qaqik Sarukyanın özü namizəd deyil və öz namizədinin kim olduğunu açıqlamır. Yəni bu üç qüvvə arasında ümumilikdə cəmi bir baş nazirliyə namizədi var”, – o bildirib.

Rubinyan həmçinin əlavə edib:

“Qaqik Sarukyan “bizə yeni sima lazımdır” deyir. Bəs o “yeni sima” kimdir? Özü, yoxsa Köçəryan və ya rusiyalı oliqarxın nəyi yenidir?”.

Xatırladaq ki, Ermənistanda parlament seçkiləri iyunun 7-də keçiriləcək.