Yaponiyada poliqonda bədbəxt hadisənin səbəbləri araşdırılır

Yaponiyanın cənub-qərbində hərbi təlim zamanı partlayış baş verib.

Hadisə nəticəsində 3 hərbçi həyatını itirib, 1 nəfər isə yaralanıb.

“Reuters”in məlumatına görə, Oita prefekturasında yerləşən təlim poliqonunda tank təlimi zamanı mərmi atəş açılmadan əvvəl partlayıb.

Nəticədə, 3 hərbçi həlak olub, yaralanan əsgərin isə üz nahiyəsində yanıq xəsarətləri qeydə alınıb. Hadisənin başvermə səbəbləri araşdırılır.

Qeyd edək ki, ölümcül partlayış Yaponiyanın onilliklər ərzində müdafiə məhsulları ixracı sahəsində ən böyük islahatını açıqladığı, xaricə silah satışına qoyulan məhdudiyyətləri ləğv etdiyi və döyüş gəmiləri, raketlər və digər silahların ixracına yol açdığı gün baş verib.