Выбрать плеер:
Abşeronda taksi sürücüsünü soymaqda şübhəli bilinən şəxs saxlanıldı - Baku TV
Abşeron rayonunda avtomobildə müştəri kimi əyləşərək sürücüyə zor tətbiq edib 600 manat dəyərində mobil telefonunu ələ keçirməkdə şübhəli bilinən şəxs saxlanılıb.
Bu barədə Daxili İşlər Nazirliyindən məlumat verilib.
Əməli törətməkdə şübhəli bilinən, əvvəllər oğurluq və narkotiklə əlaqəli cinayətlərə görə məhkum olunmuş 26 yaşlı Dünyamalıyev soyadlı şəxs müəyyən edilərək saxlanılıb.
Araşdırmalarla saxlanılan şəxsin rayon ərazisində daha bir nəfərin mobil telefonunu kəsici alətlə hədələyərək quldurluq yolu ilə ələ keçirdiyi məlum olub.
Faktlarla bağlı cinayət işi başlanılıb, araşdırmalar davam etdirilir.
Скопировано
Выбранные
