Ailənin 6 övladı dəhşət yaşadı | "Ağızları açılırdı, meyitlərini verdilər mənə..." - Baku TV

Sumqayıtda bir ailənin altı üzvü dəm qazından zəhərlənib.

Hadisə “Xəzri Bağları” yaşayış massivində yerləşən fərdi yaşayış evlərindən birində baş verib.

Məlumata görə, evdəki uşaqlardan altısı hamam otağına girdikdən sonra dəm qazından zəhərlənib.

“Gəlin qışqırdı ki, uşaqlarım öldü. Palçıqlı suda qaça-qaça gəlmişəm buraya. Gördüm ki, gəlin uşaqların üstündə ağlayır. Tez uşaqları bir-bir götürüb ürəklərinə masaj etdim. Uşaqların ağzı açılmağa başladı, onların nəfəs almasına kömək etdim”, – deyə qonşu bildirib.

Uşaqlar dərhal Sumqayıt Şəhər Uşaq Xəstəxanasına çatdırılıb. Xəstəxanadan verilən məlumata görə, dəm qazından zəhərlənmə diaqnozu qoyulan şəxslərə dərhal tibbi yardım göstərilib. Vəziyyətləri qənaətbəxş qiymətləndirilərək müalicə üçün evə buraxılıblar.