Sumqayıtda 39 yaşlı qadın dəhşətli hadisənin qurbanı oldu - Baku TV

Sumqayıtda 39 yaşlı qadın dəm qazından boğularaq həyatını itirib.

Hadisə şəhərin 76-cı məhəlləsində yerləşən fərdi yaşayış evlərinin birində qeydə alınıb.

Belə ki, Xəyalə Kərimovanın hamam otağında olarkən dəm qazından zəhərləndiyi bildirilir. O elə hadisə yerindəcə keçinib.

“Millət yığılmışdı. Gedib gördük ki, hamamda qadın yıxılıb, üstünü örtdük”, – qonşulardan biri bildirib.

“Məlumata görə, hamamda duş qəbul edərkən dəm qazından boğularaq vəfat edib. Sakit ailə idi, heç kimlə işləri yox idi. Atası, anası işə gedib-gəlirdi. Qız da evdar xanım idi”, – başqa bir qonşu əlavə edib.

Əraziyə aidiyyəti qurumların əməkdaşları cəlb olunub.

Faktla bağlı Sumqayıt Şəhər Prokurorluğunda araşdırma aparılır.