Külək yanğının söndürülməsinə mane olur | FHN hadisə yerində - Baku TV

Binəqədi rayonu, “Baksol yolu” ərazisində yerləşən mebel sexində baş vermiş yanğının daha da şiddətlənməsinə səbəb ərazidə güclü küləyin olmasıdır.

Bu barədə məlumatı Baku TV-nin hadisə yerindəki əməkdaşı verib.

Bildirilib ki, Fövqəladə Hallar Nazirliyinin təxmini dörd-beş avtomobili və xeyli canlı qüvvəsi hadisə yerinə cəlb olunub. Nazirliyin əməkdaşları yanğının söndürülməsi istiqamətində gücləndirilmiş iş rejimində fəaliyyətlərini davam etdirirlər, lakin güclü külək səbəbindən çətinliklər yaşanır.

Ərazidəki təxliyə işləri artıq yekunlaşdırılıb. Həmçinin mebel sexinin qarşısında yerləşən avtomobil yolunda polis əməkdaşları sıxlığın aradan qaldırılması istiqamətində işlər aparır.