Sumqayıtda dəhşətə gətirən hadisə | Şahid hər şeyi danışdı - Baku TV

Sumqayıtda tanışlar arasında baş verən mübahisə qanla nəticələnib.

Hadisə şəhərin Xəzər bağları yaşayış massivində qeydə alınıb.

Belə ki, 30 yaşlı Cabbar Əliyevin münaqişə zəminində 28 yaşlı Yusif Xudaverdiyevə bıçaqla xəsarət yetirdiyi bildirilir.

Hadisənin necə baş verdiyini qonşulardan biri belə təsvir edib. “Axşam saatlarında səs-küy eşidib qonşularla birlikdə çölə çıxdıq. Gördük ki, dava edirlər. Səs-küy daha da artdı, sonra biri o birini bıçaqladı. Amma kim kimi və necə bıçaqladı, xəbərim yoxdur. Sonra polis və təcili tibbi yardım əməkdaşları gəldi”.

Yaralı dərhal Sumqayıt Şəhər Təcili Tibbi Yardım Xəstəxanasına çatdırılıb.

Polis əməkdaşlarının həyata keçirdiyi əməliyyat-axtarış tədbirləri nəticəsində hadisəni törətməkdə şübhəli bilinən Cabbar Əliyev saxlanıb.

Faktla bağlı araşdırma aparılır.