İranın dron hücumundan sonra Naxçıvan Hava Limanı | Yeni görüntülər - Baku TV

İranın Naxçıvan aeroportuna həyata keçirdiyi dron hücumu nəticəsində aeroport binasına ciddi ziyan dəyib, əməkdaşlar təxliyə olunub.

Dron hücumundan sonra binanın tavan hissəsi, demək olar ki, tamamilə dağılıb. Hava limanının əməkdaşları və sərnişinlər ərazidən təxliyə edilib.

Bundan başqa, müntəzəm reys üzrə Bakıdan Naxçıvana uçan sərnişin təyyarəsi yaranmış vəziyyətlə əlaqədar təhlükəsizlik məqsədilə paytaxta geri dönüb.

Qeyd edək ki, Azərbaycan XİN-in yaydığı bəyanata görə, bir ədəd dron Naxçıvan Muxtar Respublikasının Hava Limanının terminal binasına, digər bir dron isə Şəkərabad kəndində məktəb binasının yaxınlığına düşüb. Nəticədə iki nəfər mülki şəxs xəsarət alıb.