Binəqədidə mebel anbarında yanğın | FHN və DİN-in əməkdaşları hadisə baş verən ərazidə - Baku TV

Bakının Binəqədi rayonu ərazisində güclü yanğın baş verib.

Hadisə səhər saatlarında rayon ərazisində yerləşən anbarların birində qeydə alınıb.

Məlumata görə, yanğının söndürülməsi istiqamətində işlər davam etdirilir.

Əraziyə Fövqəladə Hallar Nazirliyinin canlı qüvvəsi və texnikası, həmçinin təcili tibbi yardım və polis əməkdaşları cəlb olunub. Hazırda genişmiqyaslı tədbirlər həyata keçirilir.

Obyekt sahibinin bildirdiyinə görə, yanan anbar mebel avadanlıqlarının saxlanıldığı məkan kimi fəaliyyət göstərib.

Onun sözlərinə əsasən, bitişik ərazidə yerləşən digər anbarda aparılan təmir işləri zamanı yanğın baş verib və alov buradan yayılıb.

Qeyd edilib ki, yanğının əhatə etdiyi ərazi təxminən 1500 kvadratmetrdən artıqdır. İlkin hesablamalara əsasən, hadisə nəticəsində 100 min manatdan çox maddi ziyan dəyib.