Əkiz körpələr nədən öldü? | Faciənin yaranma səbəbləri nədir? - Baku TV

Paytaxtın Xətai rayonu, Əhmədli (Kənd Əhmədli) qəsəbəsində bədbəxt hadisə baş verib.

Belə ki, yerli KİV-də yayılan məlumata görə, sözügedən ünvandakı mənzillərdən birində yaşayan iki azyaşlı körpənin dəm qazından zəhərləndiyi bildirilir.

Lakin onların yaxınları bu məlumatın həqiqətə uyğun olmadığını söyləyirlər. Onlar bildiriblər ki, uşaqların ölüm səbəbi hələlik dəqiq müəyyənləşdirilməyib və bu, araşdırmalardan sonra məlum olacaq.

Qeyd olunub ki, ailənin yaşadığı fərdi yaşayış evində bir müddət əvvəl yanğın hadisəsi baş verib və bundan sonra evdə təmir işləri aparılıb.

Məlumata əsasən, bir neçə gün əvvəl aparılan təmir zamanı döşəməyə lak vurulub. Ehtimal edilir ki, ikiyaşlı əkiz uşaqlar lakdan zəhərlənərək həyatlarını itiriblər.

Faktla bağlı aidiyyəti qurumlar tərəfindən araşdırma aparılır.