Выбрать плеер:
İsmayıllıda yanğın baş verdi | FHN hadisə yerində - Baku TV
İsmayıllı rayonu, Diyallı kəndi ərazisində yerləşən istirahət mərkəzində yanğın baş verib.
Bu barədə Fövqəladə Hallar Nazirliyi məlumat yayıb.
Əraziyə Nazirliyin Dövlət Yanğından Mühafizə Xidmətinin İsmayıllı Rayon Yanğından Mühafizə Hissəsinin qüvvələri cəlb edilib.
Yanğınsöndürənlərin çevik müdaxiləsi sayəsində istirahət mərkəzinin ərazisində ümumi sahəsi 500 kvadratmetr olan və hazırda təmir işləri aparılan saunasında baş verən yanğının genişlənməsinə imkan verilmədən qısa müddətdə söndürülüb.
Yanğın nəticəsində saunanın yanar konstruksiyaları 100 kvadratmetr sahədə yanıb. Saunanın böyük hissəsi və ətrafdakı tikililər yanğından mühafizə olunub.
Скопировано
Выбранные
