Maştağada 2 nəfər neft kəmərindən oğurluğa cəhd etdi | Yanğın oldu - Baku TV

Sabunçu rayonunun Maştağa qəsəbəsində neft kəmərinə qanunsuz müdaxilə edilib.

Hadisə sentyabrın 2-də gecə saatlarında Savalan yaşayış massivinin yaxınlığında baş verib.

Magistral yeraltı neft kəmərində yanğın olması barədə polisə məlumat daxil olub.

Yanğın söndürüldükdən sonra əraziyə baxış zamanı kəmərə müdaxilə məqsədilə əlavə avadanlıqlar quraşdırıldığı müəyyən edilib.

Polis əməkdaşlarının keçirdiyi əməliyyat tədbirləri nəticəsində oğurluğa cəhd etməkdə şübhəli bilinən 31 yaşlı Kənan Əliyev və əvvəllər məhkum olunmuş 29 yaşlı Araz Yaqubov saxlanılıb.

Araşdırma zamanı yanğının da məhz onların neft kəmərinə qanunsuz müdaxiləsi nəticəsində baş verdiyi müəyyən edilib.

Faktla bağlı araşdırma davam etdirilir.