Qubada dəm qazı müəllimin həyatına son qoydu - Baku TV

Qubanın Dağlı kəndində bədbəxt hadisə baş verib.

Kənd məktəbində bədən tərbiyəsi müəllimi işləyən 41 yaşlı Vüqar Atayev həyatını itirib. Onun hamamda dəm qazından zəhərləndiyi bildirilir.

“Hadisə gecə saatlarında baş verib. Çox yaxşı müəllim idi. Şagirdlərinin hamısının hörmətini qazanmışdı”, – deyə mərhumun iş yoldaşı Yaqub Abdullayev söyləyib.

Qusar rayonunda da dəm qazından zəhərlənmə hadisəsi qeydə alınıb.

Bir ailənin dörd üzvü – Faiz Sadikov, onun həyat yoldaşı Zalina Sadikova və iki azyaşlı övladları Qusar Rayon Mərkəzi Xəstəxanasına yerləşdiriliblər.

İlkin tibbi yardımdan sonra vəziyyətləri qənaətbəxş olduğu üçün ailənin dörd üzvü də evə buraxılıb.