"Pastel" gətirib əmimi..." | Goranboyda 81 yaşlı kişiyə qarşı dələduzluq - Baku TV

Goranboyda 81 yaşlı kişinin mənzilindən 7 min manata yaxın pul oğurlanıb.

Hadisə rayonun Xanqərvənd kəndində, Zahid Əsgərovun yaşadığı mənzildə qeydə alınıb.

Zərərçəkənin qardaşı qızı Kifayət Adilova deyir ki, 3 nəfər kişi cinsli şəxs əmisinin yaşadığı evə gələrək, ona yataq dəsti, saç qırxan maşın verib, sonra isə Zahid Əsgərovun 7 min manata yaxın pulunu götürüblər.

81 yaşlı Zahid Əsgərov Xanqərvənd kəndində uzun illər tək yaşayıb. Onun 2 qız və 1 oğul övladı olub. Oğlu Birinci Qarabağ müharibəsində itkin düşüb. Qızlarından biri isə həyatını itirib.

Qeyd edək ki, oktyabrın 16-da baş verən hadisə ilə bağlı polisə məlumat verilib.

Faktla bağlı araşdırmalar davam etdirilir.