Sabirabaddakı dəhşətli qətllə bağlı qərar verildi | Detalları açıqlandı

Sabirabadda 16 yaşlı gəlini qətlə yetirməkdə təqsirləndirilən 21 yaşlı həyat yoldaşı Seyidrəsul Talıbzadə barədə həbs qətimkan tədbiri seçilib.

Bu barədə Sabirabad Rayon Məhkəməsində istintaq orqanlarının təqdimatına baxılaraq qərar qəbul edilib.

İstintaq orqanının təqdimatı təmin edilərək Seyidrəsul Talıbzadə barədə ilkin istintaq müddəti üçün 4 aylıq həbs qətimkan tədbiri seçilib.

Xatırladaq ki, mayın 20-də Kür çayının Sabirabad rayonu ərazisindən keçən hissəsində 16 yaşlı Nuranə Ələkbərovanın meyiti tapılıb. İlkin araşdırmalarla 2004-cü il təvəllüdlü Seyidrəsul Talıbzadənin aralarında yaranmış mübahisə zamanı qeyri-rəsmi münasibətdə olduğu Nuranə Ələkbərovanı qəsdən öldürməsi və meyitini suya atmasına əsaslı şübhələr müəyyən edilib.

Faktla bağlı rayon prokurorluğunda Cinayət Məcəlləsinin 120.1-ci (qəsdən adam öldürmə) maddəsi ilə cinayət işi başlanıb.