“Biri yerdə idi, qatarın üstündə...” | 15 yaşlı yeniyetmə dəhşət yaşadı - Baku TV

Kürdəmirdə bədbəxt hadisə baş verib.

Hadisə Bakı-Qazax dəmir yolu xəttinin rayon ərazisindən keçən hissəsində qeydə alınıb.

Belə ki, 9-cu sinif şagirdi Səfərli Sərvət Nazim oğlu dəmir yolu üzərində dayanmış qatarın üzərindən keçmək istəyərkən elektrik cərəyanı vurub. Nəticədə, o, ağır bədən xəsarətləri alıb.

Yaralı ətrafdakı şəxslərin köməyi ilə dərhal Kürdəmir Rayon Mərkəzi Xəstəxanasına çatdırılıb.

Yaralının qohumu hadisə ilə bağlı bunları deyib:

“Uşaq dəmir yolundan keçərkən əli cərəyan xəttinə toxunub və elektrik cərəyanı vurub. Yanıq xəsarətləri alıb, vəziyyəti ağır idi. Yaxşı, tərbiyəli uşaqdır, ailənin tək övladıdır, dərslərini əla oxuyurdu”.

Kürdəmir Rayon Mərkəzi Xəstəxanasından verilən məlumata görə, pasiyentə ilkin tibbi yardım göstərilib və vəziyyəti nəzərə alınaraq daha ixtisaslaşmış müalicə üçün Nərimanov Tibb Mərkəzinin nəzdində fəaliyyət göstərən Yanıq Mərkəzinə təxliyə edilib.