Təmir sexində baş verən yanğın FHN əməkdaşları tərəfindən söndürülüb

Bakı şəhəri, Nizami rayonu, Babək prospektində avtomobil təmiri sexində yanğın baş verib.

Bununla bağlı Fövqəladə Hallar Nazirliyinə məlumat daxil olub.

Məlumatla əlaqədar dərhal əraziyə Dövlət Yanğından Mühafizə Xidmətinin qüvvələri cəlb olunublar.

Yanğınsöndürənlərin çevik müdaxiləsi sayəsində ümumi sahəsi 450 kvadratmetr olan avtomobil təmiri sexində təmirə dayanan “Porsche Taycan” markalı minik avtomobilində baş verən yanğın genişlənərək digər avtomobillərə keçməsinə, o cümlədən sexə yayılmasına imkan verilmədən qısa müddətdə söndürülüb.

Yanğın nəticəsində minik avtomobilinin yanar konstruksiyaları yanıb. Avtomobil təmiri sexi və sexdə yerləşən digər maşınlar yanğından mühafizə olunub.