Выбрать плеер:
Azərbaycanlı MMA döyüşçüsü Nazim Sadıxovdan UFC-də növbəti qələbə
Azərbaycanlı məşhur MMA döyüşçüsü Nazim Sadıxovun UFC-də növbəti görüşü baş tutub.
Həmyerlimiz "UFC Fight Night" 251 turniri çərçivəsində braziliyalı İsmael Bonfimlə üz-üzə gəlib. Las-Veqas şəhərində keçirilən görüşün birinci raundu bərabər mübarizə şəraitində keçsə də, fasiləyə yaxın Nazim İ.Bonfimin sağ göz nahiyəsinə ayaqla zərbə endirib.
Braziliyalı bu zərbədən sonra ilk raundun sonuna qədər tab gətirə bilib. Birinci və ikinci raund arasında fasilə zamanı həkimlər İ.Bonfimin sağ gözü ilə görə bilmədiyini müəyyən etdikdən sonra döyüşü dayandırıblar.
Beləliklə, Nazim Sadıxov UFC-də 3-cü, ümumən isə MMA karyerasında 10-cu qələbəsini qazanıb.
Скопировано
Выбранные
