Nazim Sadıxovdan Bakıdakı UFC turniri ilə bağlı açıqlama

Azərbaycanlı məşhur MMA döyüşçüsü Nazim Sadıxov Bakıda keçiriləcək UFC turnirində iştirak edəcəyini açıqlayıb.

“Instagram” hesabında paylaşım edən Nazim paytaxtımızdakı yarışda yer alacağını bildirib. İdmançımızın rəqibinin adına tezliklə aydınlıq gələcək.

Nazim Sadıxovla yanaşı, UFC təşkilatında mübarizə aparan digər təmsilçimiz Rafael Fiziyevin də Bakıdakı turnirdə iştirakı gözlənilir.

Qeyd edək ki, Nazim Sadıxov UFC-də son döyüşünü fevralın 15-də keçirib. Braziliyalı İsmael Bonfimlə üz-üzə gələn azərbaycanlı MMA ustası texniki nokautla qalib gəlib. Digər nümayəndəmiz Rafael Fiziyev isə martın 8-i Castin Qeyci ilə qarşılaşıb. UFC-313 turnirində təşkil olunan döyüş amerikalı idmançının qələbəsi ilə bitib.