"Altın qurd" ləqəbli Bəhram Rəcəbzadənin növbəti döyüşü

Məşhur azərbaycanlı kikboksçu Bəhram Rəcəbzadə “Glory” Qran-prisində növbəti döyüşünü keçirib.

91 kiloqramdan aşağı çəki dərəcəsində mübarizə aparan idmançımız Parisdə keçirilən yarışda yerli Kevin Omar ilə qarşılaşıb. 3 raund davam edən döyüşün sonunda rəqibini nokaut edən B.Rəcəbzadə görüşün qalibi elan olunub.

Xatırladaq ki, Bəhram daha əvvəl “Glory” Qran-prisinin yarımfinalında niderlandlı idmançı Levi Reytersə xal hesabı ilə məğlub olub.

Qeyd edək ki, karyerası ərzində 69 döyüş keçirən Bəhram bunlardan 59-u nokautla olmaqla 66 dəfə qələbə qazanıb. Eyni zamanda o, 3 qat Azərbaycan çempionu, WAKO versiyası üzrə dünya çempionu və dünya oyunlarının qalibidir.