"Tottenhem" azarkeşlərinin çoxu Harrini yenidən burada görmək istəyirlər" | Tomas Frank

"Tottenhem"in baş məşqçisi Tomas Frank "Bayern Münhen"in forvardı Harri Keynin London komandasına qayıdacağı ilə bağlı yayılan məlumatlara münasibət bildirib.

"Düşünürəm ki, başda özüm olmaqla "Tottenhem" azarkeşlərinin çoxu Harrini yenidən burada görmək istəyirlər. Harri Keyn bizə qoşulmağı uyğun saysa, buna yalnız şad olarıq", – o deyib.

Qeyd edək ki, cari mövsüm "Bayern" forması ilə bütün turnirlərdə 12 matça çıxan Harri Keyn 16 qol və 4 məhsuldar ötürmə ilə yadda qalıb. Onun Almaniya nəhəngi ilə müqaviləsinin müddəti 2027-ci ilin yayına qədər nəzərdə tutulub. "Transfermarkt" portalı İngiltərə millisinin forvardının transfer qiymətini 75 milyon avro ilə dəyərləndirir.