U-13 liqasında qalmaqal | Baş məşqçi referini döyüb

Bu kadrlar 13 yaşadək futbolçuların liqasında qeydə alınıb.

Belə ki, martın 17-də keçirilən “Turan Tovuz” – “Azəri” oyununun 15-ci dəqiqəsində qonaqların baş məşqçisi Elşən Əliyev baş hakimi təhqir edib.

“Sportinfo.az” saytının yaydığı görüntülərdə referinin qərarından narazı qalan məşqçi sürətlə meydana daxil olub. Daha sonra o, əlindəki əşya ilə hakimə zərbə endirib.

Qeyd edək ki, bu hadisəyə görə oyun yarımçıq dayandırıldığı üçün “Azəri” komandasına 0:3 hesablı texniki məğlubiyyət verilib. Əlavə edək ki, AFFA İntizam Komitəsinin iclasında Elşən Əliyev 1 il müddətinə futboldan da kənarlaşdırılıb.