Azərbaycan Kibertəhlükəsizlik Mərkəzindən 100 nəfər məzun oldu - Baku TV

Rəqəmsal İnkişaf və Nəqliyyat Nazirliyi, İnnovasiya və Rəqəmsal İnkişaf Agentliyinin İsrailin "Technion" Texnologiya İnstitutu ilə birgə təsis etdiyi Azərbaycan Kibertəhlükəsizlik Mərkəzinin sayca yeddinci "Məzun Günü" baş tutub.

Bu tədris dalğası üzrə 100 yeni kibertəhlükəsizlik mütəxəssisi hazırlanıb.

Mərkəz ilk dəfə olaraq xüsusi imkan təqdim edib. Proqramı uğurla başa vuranlar arasında ən yüksək nəticə göstərən 5 məzun ölkə xaricində fəaliyyət göstərən qabaqcıl şirkətlərdə biraylıq təcrübə proqramında iştirak şansı qazanıb.

Qeyd edək ki, məzunların işə qəbul faizi 90% təşkil edir. Onlar həm dövlət qurumları, həm də qabaqcıl yerli və beynəlxalq şirkətlərdə fəaliyyət göstərirlər.