Bakı-Supsa ilə nəql olunan neftin ümumi həcmi - Baku TV

Bakı–Supsa kəməri istifadəyə veriləndən 1 aprel 2026-cı il tarixinədək onun vasitəsilə 738 milyon barel neft nəql olunub.

Bu barədə SOCAR xəbər verib.

Məlumata görə, kəmər Azərbaycanın müasir enerji strategiyasında mühüm yer tutaraq Azərbaycan neftinin Qara dəniz vasitəsilə dünya bazarına çıxışını təmin edir.

Bildirilib ki, 17 aprel 1999-cu il Bakı–Supsa neft kəməri istifadəyə verilib.

"Əsrin müqaviləsi"ndən sonra həyata keçirilən ilk beynəlxalq ixrac layihələrindən biri kimi Azərbaycan neftinin ilk dəfə Qərb istiqamətində ixracını mümkün edib. Regionda enerji əməkdaşlığının inkişafına töhfə verərək sonrakı iri nəql layihələrinin reallaşdırılması üçün möhkəm zəmin yaradıb", – deyə məlumatda qeyd olunub.