Rövşən Nəcəf Aşqabadda konfransda iştirak edib | Türkmənistanla enerji əməkdaşlığı - Baku TV

Türkmənistanda Azərbaycanla enerji təhlükəsizliyi və dayanıqlı enerji istiqamətində əməkdaşlıq imkanları müzakirə edilib.

Bu barədə Azərbaycan Dövlət Neft Şirkətinin (SOCAR) prezidenti Rövşən Nəcəf “X” sosial hesabında paylaşıb.

“Türkmənistanın Dövlət naziri və “Türkmənqaz” Dövlət Konserninin sədri Maksat Babayevin dəvəti ilə 16 aprel 2026-cı il tarixində Aşqabad şəhərində keçirilən “Türkmənistan – Çin Xalq Respublikası: qaz sahəsində strateji tərəfdaşlığın 20 ili” mövzusunda elmi-praktiki konfransda iştirak etməkdən məmnun oldum. Konfrans çərçivəsində qaz sektorunun inkişaf perspektivləri, enerji təhlükəsizliyi və dayanıqlı enerji istiqamətində əməkdaşlıq imkanları üzrə maraqlı fikir mübadiləsi aparıldı”, – deyə paylaşımda bildirilib.