Azərbaycanda benzin və dizel yanacağının istehsalı artıb - Baku TV

2026-cı ilin yanvar-mart aylarında Azərbaycanda 587,3 min ton dizel yanacağı istehsal edilib.

Dövlət Statistika Komitəsinin məlumatına görə, bu, 2025-ci ilin yanvar-mart aylarının göstəriciləri ilə müqayisədə 6,2% çoxdur.

Hesabat dövründə neft məhsullarının istehsalının ümumi dəyəri 1 milyard 283,7 milyon manat olub. 2026-cı ilin yanvar-mart aylarında ölkədə 360,5 min ton avtomobil benzini istehsal edilib ki, bu göstərici də ötən ilin eyni dövrü ilə müqayisədə 7,3% çoxdur. Bu dövrdə 8,4 min ton sürtkü yağları, 33,4 min ton neft bitumu istehsal edilib.

Qeyd edək ki, SOCAR-ın Heydər Əliyev adına Neft Emalı Zavodu regionda yeganə neft emalı müəssisəsi olaraq Azərbaycanın Aİ-92, dizel və təyyarə yanacağı kimi yanacaq məhsulları ilə təmin etməklə yanaşı, şirkətin ölkədəki neft-kimya müəssisələrini də xammalla təchiz edir. Zavodda istehsal edilən məhsulun bir qismi isə ixrac olunur.