COP29-da elektrik şəbəkələrinin dekarbonizasiyası barədə nələr danışıldı?

COP29 tədbirinin Yaşıl Zonasındakı “AzərEnerji” ASC-nin pavilyonunda “SOCAR Trading” şirkətinin təşkilatçılığı ilə “Sıfır emissiyalı elektrik enerjisi: Karbon kreditləri bazarı elektrik şəbəkələrini dekarbonizasiya edə bilərmi?” mövzusunda panel müzakirəsi keçirilib.

“AzərEnerji” ASC-nin media üçün yaydığı məlumatda bildirilib ki, tədbirdə iştirak edən xarici ekspertlər əvvəlcə Azərbaycanda karbon kreditləri üzrə könüllü bazarda iştirak üçün müraciət edilən Kəlbəcər və Laçındakı 7 kiçik su elektrik stansiyası haqqında qısa arayışla tanış olublar.

Daha sonra iqtisadiyyatın elektrikləşməsi və elektrik şəbəkələrinin dekarbonizasiyasının sıfır emissiyaya çatmaq üçün əsas vasitələr olduğu barədə fikir mübadiləsi aparılıb.

Yekunda qonaqlar “AzərEnerji” ASC-nin icra etdiyi potensial layihələr haqqında məlumatlarla tanış olublar.