Gürcüstanlı nazir Bakı-Supsa kəmərinin bərpası ilə bağlı açıqlama verdi - Baku TV

Gürcüstan hökumətinin SOCAR-la əməkdaşlığı Bakı–Supsa boru kəmərinin fəaliyyətinin bərpasına töhfə verəcək.

"Report"un məlumatına görə, bunu ölkənin iqtisadiyyat və davamlı inkişaf naziri Mariam Kvrivişvili bildirib.

Onun sözlərinə görə, müvafiq razılaşma Bakıya səfər çərçivəsində imzalanıb.

Nazir qeyd edib ki, son illərdə fəaliyyətini dayandıran Bakı–Supsa boru kəmərinin yenidən işə salınması həm regional enerji əməkdaşlığı, həm də Gürcüstanın tranzit rolunun gücləndirilməsi baxımından mühüm əhəmiyyət daşıyır:

"Gürcüstan hökuməti danışıqlar nəticəsində SOCAR-la əməkdaşlığa başlamaq barədə qərar qəbul edib və bu, boru kəmərinin birgə səylərlə bərpasına imkan yaradacaq".