Neftin bir barel üçün qiyməti 200 dollara qədər arta bilər

Qlobal enerji bazarlarında son illərin ən gərgin dövrü yaşanır. ABŞ və İsrailin İrana qarşı başlatdığı hərbi əməliyyatlar fonunda neftin bir bareli üçün qiymətin 200 dollara qədər yüksələ biləcəyi proqnozlaşdırılır. Baku.tv-nin iqtisadi təhlilinə görə, İranın strateji əhəmiyyətli Hörmüz boğazını bağlamaq hədəsi dünya bazarında tədarük zəncirini qırmaq üzrədir. Artıq "Brent" markalı neft qısa müddətdə kəskin bahalaşaraq 119 dollar həddini keçib. İqtisadçı ekspertlər xəbərdarlıq edirlər ki, hərbi münaqişənin uzanması və enerji infrastrukturunun hədəf alınması qlobal inflyasiyanı sürətləndirə və neftin qiymətini rekord həddə — 200 dollara çatdıra bilər. Azərbaycanın dövlət büdcəsində neftin qiyməti 65 dollardan hesablandığı üçün bu artım gəlirləri artırsa da, qeyri-neft sektoruna və qlobal iqtisadi artıma mənfi təsirləri qaçılmazdır. Videoda hərbi gərginliyin birjalara təsiri və neft bazarındakı "şok" ssenarilər ətraflı şərh olunur.