Qeyri-neft ixracında diqqətçəkən nəticə | SOCAR zavodundan 54 milyon dollarlıq ixrac - Baku TV

2026-cı ilin yanvar-iyul aylarında Azərbaycandan 54 milyon 794,82 min ABŞ dolları dəyərində 152 min 629,8 ton metanol ixrac edilib.

Qeyri-neft məhsullarının ixracında metil spirtinin payı 0,92 faiz təşkil edir. Metanolun ümumi ixracdakı payı isə 0,28 faiz olub.

Metanol Bakının Qaradağ rayonundakı “SOCAR Methanol” zavodunda istehsal edilir. 2013-cü ildə istismara verilmiş zavod 2016-cı ildən SOCAR-ın törəmə müəssisəsi – “SOCAR Methanol” Məhdud Məsuliyyətli Cəmiyyətinin idarəçiliyi altında fəaliyyət göstərir, 2017-ci ilin avqust ayından isə şirkətin mülkiyyətinə keçib.

Müəssisə illik 650-700 min ton metanol istehsal etmək gücünə malikdir. İstehsalatda xammal olaraq təbii qaz və duzlaşdırılmış su istifadə olunur.