Şirkətin əməkdaşları Geofizika və Geologiya İdarəsinə səfər ediblər - Baku TV

Bilik və bacarıqlarının təkmilləşdirilməsi və daxili kommunikasiyanın gücləndirilməsi məqsədilə həyata keçirilən “Məlumatlandırma Günü” çərçivəsində SOCAR-ın əməkdaşları şirkətin Geofizika və Geologiya İdarəsinə səfər ediblər.

Bu barədə şirkət məlumat yayıb.

Bildirilib ki, tədbir çərçivəsində SOCAR-ın vitse-prezidenti Arzu Cavadova əməkdaşlarla görüşərək ətraflı fikir mübadiləsi aparıb. Daha sonra iştirakçılara Geofizika və Geologiya İdarəsinin fəaliyyət istiqamətləri, həyata keçirilən layihələr və tətbiq olunan müasir texnologiyalar barədə məlumat verilib.

Sahə turu zamanı əməkdaşlar müxtəlif avadanlıqlarla yaxından tanış olub, geofizika və geologiya sahəsində aparılan iş proseslərini yerində müşahidə etmək imkanı əldə ediblər.