SOCAR-ın Baş ofisində keçirilən tədbir Gənc İstedadlar Proqramı çərçivəsində təşkil olunub - Baku TV

SOCAR-ın Baş ofisində Gənc İstedadlar Proqramı iştirakçıları üçün “Dayanıqlı İdarəetmə” mövzusunda növbəti ustad dərsləri təşkil olunub.

Tədbir zamanı iştirakçılara dayanıqlı idarəetmənin əsas prinsipləri, ESG yanaşmalarının korporativ idarəetmədə rolu, ekoloji və sosial məsuliyyət, eləcə də uzunmüddətli davamlı inkişaf strategiyalarının əhəmiyyəti barədə ətraflı məlumat verilib.

Bununla yanaşı, resurslardan səmərəli istifadə, innovativ həllərin tətbiqi, həmçinin dayanıqlılıq məqsədlərinə nail olunmasında effektiv komanda işinin və kommunikasiya bacarıqlarının vacibliyi vurğulanıb.

Qeyd edək ki, Gənc İstedadlar Proqramına qoşulan şəxslər SOCAR-ın peşəkar əməkdaşları ilə birgə çalışmaq və irimiqyaslı layihələrdə iştirak etmək imkanı qazanırlar.