SOCAR 2026-cı ilin 1-ci rübü ilə bağlı göstəriciləri açıqladı - Baku TV

SOCAR 2026-cı ilin I rübünə dair qazma, hasilat, emal və ixrac göstəricilərini açıqlayıb.

Məlumata əsasən, cari ilin I rübündə SOCAR tərəfindən 13 min metrə yaxın qazma işləri həyata keçirilib. Şirkətin müstəqil şəkildə və ya əsas payçı qismində istismar etdiyi yataqlarda hesabat dövründə 1,67 milyon ton neft, həmçinin 1,85 milyard kubmetr qaz hasil olunub.

Hesabat dövründə SOCAR tərəfindən xarici bazarlara ixrac edilən neft həcmləri 3,52 milyon ton təşkil edib. Hesabat dövründə həmçinin şirkət tərəfindən 1,45 milyon ton neft, 636 milyon kubmetr qaz emal edilib.

Neft emalı ötən ilin müvafiq dövrü ilə müqayisədə 3,7% artıb. SOCAR-ın Azərbaycandakı müəssisələrində istehsal olunan 394 min tondan çox neft, neft-kimya və qaz-kimya məhsulları xarici bazarlara ixrac edilib.