SOCAR istiqrazları üzrə növbəti ödəniş edildi | Detallar açıqlandı - Baku TV

2026-cı il fevralın 2-də SOCAR-ın 2021-ci ildə daxili kapital bazarları üçün emissiya etdiyi ikinci “SOCAR İstiqrazları”nın 1 milyon 125 min dollarlıq növbəti kupon ödənişi istiqraz sahiblərinin hesablarına köçürülüb.

Bu barədə “SOCAR Capital” şirkəti məlumat yayıb.

Bildirilib ki, 17-ci kupon ödənişi nəticəsində ikinci “SOCAR İstiqrazları”nın investorlarına qazandırdığı gəlir ümumilikdə 19 milyon 125 min ABŞ dollarına yüksəlib. SOCAR-ın hazırda tədavüldə olan istiqrazları ilə Bakı Fond Birjasında 97,3 milyon ABŞ dolları məbləğində ticarət aparılıb və 1612 əqd bağlanıb.

Ümumilikdə “SOCAR İstiqrazları” buraxılandan indiyədək şirkət tərəfindən vətəndaşlara və investorlara 53 milyon 125 min ABŞ dolları məbləğində faiz ödənişi edilib. İkinci “SOCAR İstiqrazları” üzrə növbəti kupon ödənişi isə 2026-cı il mayın 1-də həyata keçiriləcək.