Səmərəliliyi qorumaq üçün bütün imkanlar nəzərdən keçirilir - Baku TV

Layların sürətlə tükənməsi Azərbaycanın əksər neft-qaz yataqları üçün əsas problem olaraq qalır.

“Report”un məlumatına görə, bunu “SOCAR Upstream Operation Management”in direktorunun müşaviri Vüsal Rəcəbov bildirib.

Onun sözlərinə görə, lay təzyiqinin aşağı düşməsi səbəbindən quyuların debiti artıq əvvəlki göstəricilərdən xeyli aşağıdır ki, bu da xərclərə xüsusilə ölçülüb-biçilmiş yanaşma və iqtisadi cəhətdən daha səmərəli həllərin axtarışını tələb edir.

Müşavirin sözlərinə görə, şirkət ehtiyatı tükənmiş quyularda hasilatın iqtisadi səmərəliliyini qorumaq üçün bütün mövcud alətlər spektrini nəzərdən keçirir.

Vurğulanıb ki, yetkin yataqlarda yeni quyuların qazılması ciddi texniki məhdudiyyətlərlə müşayiət olunur. Bununla əlaqədar SOCAR alternativ texnologiyaları fəal şəkildə araşdırır.