Ermənistanın Azərbaycan benzininə olan tələbatı - Baku TV

"Azərbaycan benzini Ermənistan bazarında yüksək tələbata malikdir və o, çox sürətlə satılır".

Ermənistan KİV xəbər verir ki, bu barədə jurnalistlərə iqtisadiyyat naziri Gevorq Papoyan məlumat verib.

"Azərbaycan benzini Ermənistanda çox sürətlə istehlak olunur. Nə qədər çox idxal ediriksə, bir o qədər tez sərf edilir. Azərbaycan benzini bitdikdə, Ermənistanda benzin qiymətləri artır", – deyə nazir bildirib.

Qeyd edək ki, Azərbaycan Ermənistana neft məhsullarının tədarükünə ötən ilin dekabrında başlayıb. Dövlət Statistika Komitəsinin məlumatına görə, dekabrda Ermənistana 788,8 min ABŞ dolları dəyərində 1210,28 ton "Premium Euro-95" markalı avtomobil benzini tədarük edilib.

Xatırladaq ki, fevralın 25-də Azərbaycan Ermənistana 4500 ton dizel yanacağı göndərib.