SOCAR-da beynəlxalq əmək normalarının tətbiqi | Görüşdə nələr müzakirə edildi? - Baku TV

Əmək və əhalinin sosial müdafiəsi nazirinin müavini Hidayət Abdullayev, SOCAR-ın vitse-prezidenti Ziba Mustafayeva və Beynəlxalq Əmək Təşkilatının (BƏT) Şərqi Avropa və Mərkəzi Asiya ofisinin direktoru Mixail Puşkin arasında görüş keçirilib.

Görüşdə Azərbaycanla BƏT arasında formalaşmış uğurlu əməkdaşlıq təcrübəsindən bəhs olunub və 2025-2029-cu illər üçün “Layiqli Əmək üzrə Ölkə Proqramı”nın əhəmiyyəti vurğulanıb.

SOCAR-ın iş yerlərində beynəlxalq əmək normalarının tətbiqinə, eləcə də inklüziv yanaşma, müxtəliflik və bərabərlik prinsiplərinin təşviqinə xüsusi önəm verdiyi və bu istiqamətdə həyata keçirilən fəaliyyətlər diqqətə çatdırılıb.

Görüşdə həmçinin tərəflər arasında gələcək üçtərəfli əməkdaşlıq və birgə layihələrin reallaşdırılması imkanları ətrafında fikir mübadiləsi aparılıb.