SOCAR ITOCHU Korporasiyası ilə əlaqələrin genişləndirilməsini müzakirə edib - Baku TV

9 aprel 2026-cı il tarixində SOCAR-ın prezidenti Rövşən Nəcəf Yaponiya-Azərbaycan İqtisadi Komitəsinin sədri və ITOCHU Korporasiyasının baş əməliyyat direktoru Tetsuya Yamada ilə görüşüb.

Görüşdə SOCAR ilə ITOCHU arasında uzun illərdir davam edən uğurlu əməkdaşlıqdan məmnunluq ifadə edilib, əlaqələrin genişləndirilməsi istiqamətində görülən işlər müzakirə olunub.

Söhbət zamanı enerji sektorunun müxtəlif istiqamətləri, o cümlədən kəşfiyyat, hasilat və neft-kimya sahələri üzrə əməkdaşlıq imkanlarına, qarşılıqlı maraq doğuran digər məsələlərə dair fikir mübadiləsi aparılıb.

Qeyd edək ki, yapon şirkətləri ölkəmizin neft-qaz sektorunda ən etibarlı tərəfdaşlardan sayılır. ITOCHU şirkəti 1996-cı ildə “Əsrin Müqaviləsi”nə qoşulub və artıq 30 ildir ki, SOCAR ilə uğurlu əməkdaşlıq edir.