SOCAR-ın “yaşıl” təyinatlı istiqrazları beynəlxalq mükafata layiq görüldü - Baku TV

İngiltərənin aparıcı maliyyə və biznes analizi nəşri olan "Beynəlxalq Maliyyə Jurnalı" tərəfindən təşkil edilən nüfuzlu "Beynəlxalq Maliyyə Mükafatları – 2025" çərçivəsində "SOCAR Capital" mühüm beynəlxalq uğura imza atıb.

Bu barədə SOCAR-ın sosial şəbəkə hesabında məlumat verilib.

Bildirilib ki, SOCAR-ın "yaşıl" təyinatlı istiqrazları "Yaşıl layihələrin maliyyələşdirilməsi üzrə ən yaxşı yeni istiqraz – Enerji sektoru – Azərbaycan" nominasiyası üzrə mükafata layiq görülüb.

Qeyd edilib ki, bu mükafat SOCAR-ın davamlı inkişaf strategiyasının, "yaşıl enerji" layihələrinə verdiyi ardıcıl dəstəyin və bərpaolunan enerji təşəbbüslərinin beynəlxalq səviyyədə yüksək qiymətləndirilməsinin bariz göstəricisidir.

Xatırladaq ki, SOCAR-ın hazırda tədavüldə olan istiqrazları ilə Bakı Fond Birjasında 97,3 milyon ABŞ dolları məbləğində ticarət aparılıb və 1612 əqd bağlanıb.