SOCAR SAF 2025-də innovativ stendi ilə iştirak edir

Bakıda Elm və Təhsil Nazirliyinin dəstəyi, “STEAM Azərbaycan” layihəsinin təşkilatçılığı ilə 17-19 noyabr tarixlərində SOCAR-ın da sponsoru olduğu SAF 2025 – “Beynəlxalq STEAM Azərbaycan Festivalı” keçirilir.

Festival çərçivəsində Pirallahı rayonu ilk dəfə olaraq ölkənin yeganə ada məktəbi – Çilov adasında yerləşən 131 nömrəli tam orta məktəbin şagirdlərindən ibarət iki komanda – “Çilov 1” və “Çilov 2” ilə təmsil olunur.

SOCAR-ın dəstəyi ilə həmin məktəbdə ilk dəfə STEAM laboratoriyasının yaradılması planlaşdırılır.

SOCAR eyni zamanda festivalda rəqəmsallaşma konsepsiyasına əsaslanan innovativ stendi ilə iştirak edir. Stenddə şirkətin müxtəlif innovasiya sahələrində həyata keçirdiyi layihələr, SOCAR haqqında məlumatlar, həmçinin Bakı Ali Neft Məktəbinin startapları ziyarətçilərə təqdim olunur.