Azərbaycan və Türkiyə XİN başçıları hansı məsələləri müzakirə etdi? - Baku TV

Azərbaycanın xarici işlər naziri Ceyhun Bayramov türkiyəli həmkarı Hakan Fidanla telefon danışığı aparıb.

Söhbət zamanı regionda mövcud təhlükəsizlik vəziyyəti və artan gərginlik müzakirə edilib.

Ceyhun Bayramov martın 13-ü Türkiyə ərazisinə növbəti raket hücumunu qınayıb, qardaş ölkəyə dəstəyini ifadə edib. Hərbi eskalasiyanın daha da genişlənməsinin arzuolunmaz nəticələrə gətirib çıxara biləcəyi vurğulanıb.

Danışıq zamanı qarşılıqlı maraq doğuran digər ikitərəfli və regional məsələlərə də toxunulub.

Bu arada, İran ABŞ-nin Birləşmiş Ərəb Əmirliklərindəki "Əd-Dəfra" hərbi bazasına raket zərbəsi endirib. İranın dövlət teleradio şirkətinin açıqlamasına görə, hücum zamanı müxtəli növ raketlərdən istifadə olunub. Dövlət teleradiosu sursatların buraxılış anının videosunu da yayımlayıb.