Əli Əsədovdan Beynəlxalq Sülh və Etimad Forumunda vacib açıqlamalar - Baku TV

"Azərbaycan Türkmənistanın BMT himayəsi altında Neytrallıq Universitetinin yaradılması ilə bağlı təşəbbüsünü yüksək qiymətləndirir".

Bunu Azərbaycanın Baş naziri Əli Əsədov Aşqabadda Türkmənistanın neytrallığının 30-illiyinə həsr edilən Beynəlxalq Sülh və Etimad Forumunda çıxışı zamanı deyib.

Baş nazir qeyd edib ki, Azərbaycan Universitetin işində fəal iştirak etməyə hazırdır:

"Azərbaycan neytrallıqla bağlı Türkmənistan tərəfindən BMT-də irəli sürülən qətnamələri daim dəstəkləyib və "Beynəlxalq sülh və etimad ili – 2025" qətnaməsinə həmmüəllif qismində qoşulub. Biz qardaş Türkmənistanın bu təşəbbüslərini qlobal sülh və təhlükəsizlik arxitekturasına mühüm töhfə kimi qiymətləndiririk".