Ərəb dövlətləri əməliyyatlara qatılarsa, Yaxın Şərq böyük müharibəyə sürüklənəcək? - AKTUAL GÜNDƏM

Baku TV-nin “Aktual Gündəm” verilişinin bu buraxılışında Yaxın Şərqdə genişmiqyaslı müharibə ehtimalı və ərəb dövlətlərinin hərbi əməliyyatlara cəlb olunma riskləri dərindən təhlil edilir. SEPAH-ın 60 strateji hədəfə zərbə endirməsi ilə bağlı bəyanatları, ABŞ və İsrailin regiondakı cavab addımları və bu gərginliyin qlobal təhlükəsizliyə təsirləri müzakirə olunur. Xüsusi diqqət İranın daxili siyasi vəziyyətinə, hakimiyyət dəyişikliyi ssenarilərinə və Prezident Məsud Pezeşkianın strateji hədəflərlə bağlı açıqlamalarına ayrılıb. Eyni zamanda, regional sabitlikdə Azərbaycanın artan rolu, rəsmi Bakının strateji əhəmiyyəti və Astara keçid məntəqəsi vasitəsilə əcnəbi vətəndaşların İrandan təxliyə olunması prosesinin pərdəarxası məqamları bu analitik süjetdə geniş yer tapıb.