Ermənistana hansı məhsullar göndərilib? | Daşımalarla bağlı göstəricilər bəlli olub - Baku TV

Rusiyadan Ermənistana Azərbaycandan tranzit keçməklə növbəti tədarük həyata keçirilib.

Çəkisi 630 ton olan 9 vaqon buğda və 36 tonluq 1 vaqon propan Biləcəri stansiyasından yola salınıb.

Beləliklə, Azərbaycan ərazisindən keçməklə Rusiyadan Ermənistana müxtəlif məhsulların daşınması davam edir.

Qeyd edək ki, indiyədək bu marşrutla Ermənistana 49 min tondan çox taxıl göndərilib. Bundan başqa, tranzit vasitəsilə Ermənistana 9 min tona yaxın gübrə, 1136 ton propan, 133 ton alüminium, 1114 ton kömür və 67 ton taxta daşınıb.

Eyni zamanda Azərbaycandan Ermənistana müxtəlif yanacaq məhsullarının ixracı həyata keçirilib. İndiyədək Ermənistana 15 min tona yaxın dizel yanacağı, eləcə də 5 min tona yaxın Aİ-92 və Aİ-95 markalı benzin göndərilib.