Gənclər üçün ayrılan vəsait azdır? | Komitə sədri narazılıq etdi

“Növbəti ildə gənclər siyasətinin həyata keçirilməsi ilə bağlı yetərincə səviyyədə artımın olmadığını görürük”.

Bunu Milli Məclisin Gənclər və idman komitəsinin sədri Şahin İsmayılov Gənclər və idman, İctimai birliklər və dini qurumlar, Mədəniyyət komitələrinin birgə iclasında 2025-ci ilin büdcə müzakirələri zamanı deyib.

Komitə sədri hökumətdən bu sahəyə lazımi miqdarda vəsaitin ayrılmasına diqqət yetirməyi təklif edib:

“Maliyyə vəsaitinin ayrılması gənclərin yetişdirilməsi və təhlükəsizliyimiz baxımından əhəmiyyət kəsb edir. Çünki xarici basqılar zamanı planlar əsasən gənclər üzərindən qurulur. Ona görə də milli donorlara gənclərimizlə işləmək üçün lazımi miqdarda vəsait ayrılmasına diqqət yetirilməlidir”.