III MDB Oyunlarının Azərbaycan üzrə Təşkilat Komitəsi yaradıldı | Prezidentdən sərəncam

Prezident İlham Əliyev III MDB Oyunlarının 2025-ci ildə Azərbaycanda keçirilməsi üzrə Təşkilat Komitəsinin yaradılması haqqında Sərəncam imzalayıb.

III MDB Oyunlarının 2025-ci ildə ölkəmizdə layiqincə keçirilməsini təmin etmək məqsədilə qərara gəlinib ki, həmin ilin oktyabrında sözügedən oyunların keçirilməsi üzrə Təşkilat Komitəsi yaradılsın.

Sərəncama əsasən, Təşkilat Komitəsinin sədri gənclər və idman naziri təyin edilib.

Qeyd edək ki, III MDB Oyunlarının 2025-ci ildə Azərbaycanda keçirilməsi barədə qərar “Müstəqil Dövlətlər Birliyinin iştirakçısı olan dövlətlərin bədən tərbiyəsi və idman sahəsində əməkdaşlığı haqqında Saziş” iştirakçılarının Bədən Tərbiyəsi və İdman Şurasının 2021-ci il 20 dekabr tarixli növbədənkənar iclasında qəbul edilib.