Nazir taksi fəaliyyəti sahəsində görülən işlərdən danışdı - Baku TV

“Bu gün yollarda 20 min taksi var və bununla bağlı heç bir sosial problem yoxdur”.

Bu fikirləri Azərbaycanın rəqəmsal inkişaf və nəqliyyat naziri Rəşad Nəbiyev WUF13 çərçivəsində təşkil olunan “Şəhərlər bağlantılılığın mərkəzində: Şəhər yenidənqurması və regional əməkdaşlıq” mövzusunda xüsusi sessiyada çıxışı zamanı deyib.

O qeyd edib ki, bu gün taksi sürücülərinin iş saatları normallaşıb və onlar orta hesabla səkkiz saat çalışırlar:

“İş yerlərinin sayı dəyişməyib, sadəcə, xidmət keyfiyyəti yüksəlib”. Rəşad Nəbiyev mikromobilliyə də diqqət yetirildiyini vurğulayıb: “Velosipedlər, skuterlər və piyadalar üçün daha geniş imkanlar yaratdıq. Eyni zamanda bunun ətraf mühitə və karbon emissiyalarına təsirini də nəzərə aldıq”.