Polineziya partiyasının rəhbərliyi Azərbaycana məktub göndərdi

Fransanın dənizaşırı ərazisi olan Polineziyanın suverenliyi uğrunda mübarizə aparan “Polineziyanın Azadlığı Uğrunda Müstəqil Cəbhə”nin rəhbərliyi Azərbaycana göstərdiyi dəstəyə görə minnətdarlığını bildirib.

Bu barədə partiyanın baş katibi Viktor Maamaatuaihutapunun Azərbaycanın rəsmi şəxsləri və təşkilatlarına ünvanladığı məktublarda vurğulanıb.

Təşəkkür məktubları Milli Məclis sədrinin birinci müavini Əli Hüseynliyə, Bakı Təşəbbüs Qrupunun icraçı direktoru Abbas Abbasova, Azərbaycanda İxracın və İnvestisiyaların Təşviqi Agentliyinin icraçı direktoru Yusif Abdullayevə, eləcə də Qeyri-Hökumət Təşkilatlarına Dövlət Dəstəyi Agentliyinə göndərilib.

Məktublarda Bakı Təşəbbüs Qrupunun təşkilatçılığı ilə mayın 29-dan iyunun 2-dək “Polineziyanın Azadlığı Uğrunda Müstəqil Cəbhə”nin siyasi partiyasının nümayəndələrinin Azərbaycana səfərinin əhəmiyyəti qeyd olunub.