"ABŞ cəmiyyəti buna görə iki hissəyə bölünüb" | Trampın bundan sonrakı qərarı nə olacaq? - Baku TV

Corctaun Universitetinin professoru, siyasi şərhçi Sohrab Sobhani ABŞ-nin İrana hərbi müdaxiləsi ilə bağlı Baku TV-nin suallarını cavablandırıb.

O, “ABŞ-nin İrana hərbi müdaxiləsinin bu qədər uzanması ABŞ cəmiyyətində necə qarşılanır?” sualına belə münasibət bildirib:

“Hazırkı şəraitdə, əlbəttə ki, cəmiyyət çox bölünüb. Prezident Trampın tərəfdarları İranla müharibəni legitim və zəruri hesab edirlər. Onların fikrincə, əvvəlki prezidentlərin etmədiyini Tramp indi edir və liderlik, cəsarət nümayiş etdirərək ABŞ milli təhlükəsizliyi üçün böyük bir təhdidə qarşı addım atır. Digər tərəfdən isə demokratlar, Demokrat Partiyası və bəzi media nümayəndələri hesab edirlər ki, Prezident Tramp müharibəyə təkbaşına qərar verə bilməz. Bunun üçün ABŞ Konqresinin dəstəyi və icazəsi lazımdır”.

Sohrab Sobhani İranın ABŞ daxilində təxribatlar törətməyə hazırlaşması ilə bağlı iddialara isə belə cavab verib:

“Son bir həftə ərzində belə İran İslam Respublikasının tərəfdarlarının “Allahu-Əkbər” şüarları ilə ABŞ vətəndaşlarını hədəf aldığı hadisələr baş verib. Texas ştatının Ostin şəhərində belə hadisələr olub. Bir gün əvvəl isə yəhudi ibadət yerində insident baş verdi. Bu cür hadisələrin sayı artır və Federal Təhqiqat Bürosu çox ciddi şəkildə narahatdır. Eyni zamanda yüksək hazırlıq vəziyyətindədir”.